جزيرة الحب

إسمعوا اما احكيلكم حدوتة

ع الملتوتة

راجل فقير طافح الكوتة

خلـِّف ولدين

,,

الشخص ده كان صرماتى

يشقى يوماتى

وطول النهار يبقى يهاتى

بينهم لـ اتنين

,,

فيهم ولد واعى وناصح

إسمه صالح

وواد عبيط ولاهوش فالح

إسمه شعبان

,,

لما لقى شعبان ساهى

دايما لاهى

وخيبته جات خيبه إلهى

خـدُه فى الدكـَّان

,,

عشان يناولـُه ويساعده

ويقعد عنده

و م البـُلـَغ ياخـُد وعده

بين المراكيب

,,

ويقول له خـُد ودِّى الجزمادى

لعبده الهادى

وخـُش رقـَّع دى قصادى

بس اوعى تغيب

,,

يحب صالح ويبوسه

وكل فلوسه

راحت عليه وعلى دروسه

وتملـّى يجيب

,,

كتب مدارس ودفاتر

عال ومساطر

ويقول له يا واد خلـَّيك شاطر

خايف لا تخيب

,,

ودَّاه مدارس يتعلم

يا سلام سلـّم

الواد طلع عال متكلـّم

شاطر ونبيه

,,

ومن شطارته طلع دكتور

شاطر مشهور

أبوه فـِرح بقى به مسرور

ماهو مربـّيه

,,

المزيد

يا شبابنا مالك مال حالك

إيه اللى بدِّل أحوالك

مفضوح وباينة أفعالك

كنت زمان شهم ومجدع

,,

تايه بتفعل ما بدالك

خالط حرامك بحلالك

يا عم لـِمْ أنجالك

بـَدَل ما تلقى العار جالك

,,

شبابنا من بعد رجولة

أخلاقه صارت محلولة

وسواعده صبحت مشلولة

من غير هدف فى الدنيا مبـَرطَع

,,

صـِرماح وداير على راحته

ع الناصية ماشى بيتقصـَّع

طول ليلـُه سهران يا بجاحته

الضـُّهر قايم يتمطـَّع

,,

دا واد رقيق رقة بناتى

ونَـىْ خالص يا خواتى

لو جيت اسلـِّم مرَّه عليه

أخاف تغير مِنـّه مراتى

,,

وادى واد مسبسب وخنافس

لبنات حارتنا بينافس

فى لبانة يندُغ ويطرقع

وحلق فى ودنـه ياناس لابس

,,

وده سلامـُه هاى شـِلـَّة

ما عارفلـُه جنس ولا مِلـَّة

وعشان ما يبقى بنت تمام

ناقص بلوزة وجونيلـَّة

,,

الوش أحمر ومزنهر

وبنطلونه متهرهر

لتحت وسـْطه ومتسنتر

على حتة عيب لو تتفسـَّر

,,

واخد الذكورة بالنيـَّة

محتاج يا ناس كشف هوية

أمرُه اختلط والله عليـَّا

ما اعرف دا واد ولاَّ وليـَّة

,,

والبنت غارت من اخوها

الخيبة والعيبة طالوها

وسط الرجال لم عـِرفوها

من صنف حوَّا ما فيهاشى

,,

من بعد يشمك والبيشة

قاعدة بتشرب فى الشيشة

ويـَّا السيجارة الترويشة

ضحكتها ضحكة حشـَّاشى

,,

أشوفها قلبى بيتحسـَّر

كانت زمان زى السكر

عن كل عين كان تتستـَّر

زى النسيم ما تشوفهاشى

,,

دلوقتى دايرة بتتمنظر

بشعر جارسون متقصـَّر

على جسم سايب متخدَّر

فى أنوثة صبحت ع الماشى

المزيد

إضحك خلـّيك فريش

والبس للدنيا وش

إوعى تزعل وتغضب

أحسن وشـَّك يكش

,,

إضحك دا الضحك رحمة

فى الدنيا المليانة زحمة

زحمة ولا عادش لحمة

إيه يعنى مش فيها مش

,,

أهى دنيا وماشيه بينا

دنيا زى السفينة

ياما فيها نشوف ونسمع

تقولشى يا خويا دِش

,,

إضحك راح تبقى كول

إعمل للضحكة مول

وان يوم عليك تو ليت

إدّيها ميسد كول

,,

إضحك كركر يا مان

خلـّى سنانك تبان

إفتح للحب قلبك

وسـَّع خلـّيه يخـُش

,,

إضحك راح تبقى جان

فوكـَّك من اللومان

دى الضحكة عليك يا بيبى

صدقنى هتكون جنان

,,

إضحك نعنش بجد

واوضع للحزن حد

إنده ع البسمة تبنى

بينك وبينه سد

,,

دوَّر ع الضحكة دوَّر

خلـّى خدودك تنوَّر

ساعتها تتمنى يبقى

يكونلك ألف خد

المزيد

يا أُمَّه

ليه سبتى دور القـُط

ولعبتى دور الفار

ما شوفنا منكم سـِوَى

غير شجب واستنكار

والعـَدْو مالـُه دوا

إلا الحديد والنار

ولاَّ غلبكوا الهوى

وهانت عليكوا الدار ؟

يا أُمَّه

الدق زاد ع الدماغ

والسِم فى الزَّاد مدسوس

عروق العروبة اتصلـِّبتْ

نـَخـْوَرْ جسدها السوس

ع الفـُرْقة مالها اتعودت

والكل بات مقموص

يا أُمَّه

بالذمة كام قمة

ألـِّفتوا ليها نصوص

المزيد

يا قلبى يا اخضر

يا اللى بلون الورد متحنـّى

ليه طاير من الفرحة كده

نشوان وبتغنى

لا هىَّ دى عادتك

ولا عمرك كنت متهنى

إيه اللى حصل قول

متخيِّبش فيك ظنى

قاللى بص شوف جنبك

من قاعد ومستنى

إلتفت لقيت قمر

ورموشه حلوه من سنى

سهَّانى قلبى ورفرف ناحيته

المزيد

أهـــــلا ً وســهـــلا ً بـالــوزيــــر

اللى لِـسَّـه يــبــدو إنـُّه ما جــاش

بــس جـــاى .. لأن اللى قــاعـــد

تـغــيــيــرُه لازم مــا بــِــدَّهــاش

خُــد نـصـيـحة شــعــب طِـيـبْـتـُه

فى أى حِــتـَّة مـا شــوفــتــهـاش

خــطـة رايــحـة وخـطـة جــايَّــة

كـــلام جــرايــد ما تــقـولـِّـنــاش

الـمُـهـم عـيـشـتـه تِـبـقى حـــلوة

عـيـشـة راضـيـة ما تغـومـنـاش

مـش يـومـاتى يـصــرخ يـهـاتى

وانـتـوا برضـو ضاربين طـناش

وهــمــومُـه تـِفــضــل هـىَّ هـىَّ

ومشـاكله قـاعـدة ما تحلـُّوهـاش

الــمــدارس عـــايــزه عَــــمْــرَه

فــيـها الـمَعامِـل مـا تِـنـســهـاش

وفى مَــدِيــنـْة الـعــلــم نــبــنــى

كـلمـة زويل اللى ما سـمعنهـاش

والـضـرايـب خَــفـَّضْــلى مــنـها

وواحـدة واحـدة يا واش يا واش

عـايـز موارد إزرعــلى أرضـــك

هـتخـللى اقـتصادك فى انـتعـاش

والـصـحـة تــاج خــللى بـــالــك

المزيد

يا واكل قوتنا يا طَرْح وزارى

إلَهى تطفحُه بالسم الهارى

عمّال تغرف منها وتبعت

وتبيع فيها وانت الشَّارى

دا انت واكلها حَتَتَكْ بَتَتَكْ

ودليفَرى يجيلك من كاليارى

وانا محطوط فى الهم بسببك

واللقمة باكُلها يا دوب طيارى

دى حِتة قطنة تاخدها فى كفنك

حِسْ شوية وخاف م البارى

المزيد

بتأولوا يابنى إحنا بلد ديموقراطى

إزاى بأه وفيها الحق صوت واطى

علمتونا الجبن من كتر الخوف على عيالنا

لحد ما الجبن بأى نقطه سودا فى خصالنا

أولتوا هنرفع البلد ونرجعها شىء تانى

بس اللى اترفع لا مؤاخذة نصها التحتانى

ألعنا هدومنا وحته حته بنبيعها

ما فاضلش غير حته ولا يمكن األعها

مشينا وراكم نلعب كل ألعابكم

أولولنا بصراحة هو احنا فيران فى تجاربكم ؟؟

المزيد

ضمينى يامّا وخدينى فى حضنك الدافى

وخد إيدى يابا شجَّعنى أوِّينى على خوفى

حلمت يامّا حلم زوِّدلى فى جراحى

والغريبة يابا إنى حلمته وانا صاحى

كان زمان بنشوف الغولة فى احلامنا

وفى زمانا الغولة حئيئة أدامنا

زمانا يابا ما بآش زمن الطيابه

المزيد

هذا الإدراج أعرض فيه بأسلوبى الخاص حال طبقة واسعة من المجتمع - المصرى خاصة - حالها مثل حال شخصيتنا التى أعرضها ، وهى شخصية رجل كادح مكافح إسمه راضى … وهى للعلم شخصية من خيالى البحت … وقد تعرضت فقط للخطوط العريضة الأساسية فى حياته بأسلوب قد يكون ساخرا ولكنه فى الحقيقة واقعى جدا …

فتعالوا نشوف عمنا راضى هيأولنا إيه …

إتفضل يا عم راضى …

دئيئة واحدة من فضلكم

مش هاخد كتير من وأتكم

…..

هاحكى حكايتى واسمعوها

ياريت تحاولوا تفهموها

هى حسبه هتحسبوها

باين عليكوا ولاد حلال

…..

محسوب جنابكم إسمه راضى

شغال فى شركة نظام ورادى

عمرى فى حياتى ما كنت فاضى

عندى سعادتك أورطة عيال

…..

مطحون ودأنى منبتة

بلبس هدوم الصيف شتا

حياتى ماشية مكلفتة

شأيان وشكلى حاله حال

…..

بستنى طلعة كل شهر

والشهر يعدى عليا دهر

تؤولشى يعنى مستنى مهر

طول عمرى ماشى بالحلال

…..

أول ما بأفش المهية

بعد فيها كل شوية

واخدها واجرى على هنية

اللى هى طبعا أم العيال

…..

إديتها كل اللى أبضته

وجنيه فى جيبى أومت حطه

برمت بوزى ورحت مطه

ومشيت انا باتنين ريال

…..

يالا بأه يا هنيه

المزيد