بسم الله الرحمن الرحيم

السلام عليكم ورحمة الله وبركاته

الأخت العزيزة عيونى

بداية.. أول هام .. أنا بشكرك جدا جدا على تشريفك لى بمرورك بمدونتى جزيرة الحب ، اللى إنتى طبعا نورتيها بتعليقك العذب الرقيق ، ولو كنت أعرف إن إنتى جاية كنت علقت الكهارب والزينات واللذى منه ، وخصوصا إنتى أول زائر عزيز يعلق عليها من أول ما أنشأتها ، فيه كتير جُم ومشيوا من غير حتى ما يأولولى سلامو عليكم ، يمكن يكونوا فاكرين إنها جزيرة بصحيح وخايفين يكلموا حد فيها ؟؟!! مش عارف ….

تانى هام … إنتى اللى كلماتك أجمل وأحاسيسك أرق وأعذب أنا مريت عليها مرور عابر بس أولت أرد عليكى الأول وأشكرك وبعدين أأعد بعد كده مع نفسى أمزمز فيها براحتى

تالت هام … إنتى فى بداية تعليقك أولتى أختى .. ياريت تشرفينى بزيارتك مرة تانية وتبصى على إظهار كافة المعلومات ، وهنعرفى إن أنا مش أختك … ياريت كنت أعرف أبأى أختك … بس أعمل إيه خلقة ربنا.. وعلى فكرة من ساعة ما قرأت الكلمة دى وأنا بحاول أطّّمن على نفسى أحسن أكون إتحولت ولا حاجه… ههههههه.. أنا بهزر

وأخيرا وليس آخرا أرجو تقبل مرورى وأتمنى دائما إنك تشرفى جزيرتى بزيارتها

تمنياتى بدوام التوفيق لكى فى حياتك ….

وشكرا

( حليب يا إشطة ) …. يا عيونى

وأتمنى فعلا إنى أكون أخ عزيز تشاركينى وشاركك الرأى

بصراحة مش عارف أأولك إيه يا سيما ياحبيبى .. كلماتى وتعبيراتى..وخواطرى وإدراجاتى

تتضائل أمام تعبيراتك الجميلة … عندما تدخل الجزيرة ياوسام.. فكل ما فيها يغرد ويغنى

تهليلا وترحيبا بك.. بالعربى الجزيرة جزيرتك … والبيت بيتك … والغيط غيطك … ههههه

منور أوى يا سيما

نورهان .. أحلى نورهان أكيد

مش مجاملة .. كفاية روحك الحلوة .. وأحاسيسك ومشاعرك الجياشة .. وتفاعلك مع

الواقع المحيط بك بقوة وجرأة أعشقها فى بنات بلدى المحترمات .. شكرا على إطراءاتك

لى فى قصيدتى دى .. يعنى حاجة على قدى .. حاجة ببلاش كده

بجد بجد قلمك وكتاباتك لها وزن .. مش مجاملة.. حقيقى .. وأنا والله مابعرفش أجامل

كل الود والإحترام